اسئلة مقابلة طيران الامارات؟

اسئلة مقابلة طيران الامارات، هو ما نسعى الى التكلم عنه اليوم بشكل مختلف وعميق من اجل الوصول إلى أكثر استفادة لزوار موقعنا الكرام.

اسئلة مقابلة طيران الامارات:

انترفيو طيران الامارات ” الاميريتس ”
المرحله التانيه اللي هي السكرين داي او مرحله التقييم الشخصي Screen Day !

هاي يا احلى كرو في الدنيا دي و زي ما عيشنا مع بعض اليوم الاول في انترفيو الاميريتس اللي هو الاوبن داي يلا نعيش جو اليوم التاني اللي هو السكرين داي و نشوف عامل ازاي و خلي بالك اليوم دا مهم اوي و طويل و لازم تكون جاهز صح من الاخر يعني تروح في الميعاد اللي متحدد بالضبط علشان اي تأخير منك مش حتكمل اليوم و كمان تكون لابس اليونيفورم كامل علشان ممنوع لبس اي حاجه تانيه على الاطلاق في اليوم دا و تكون محضر حالك نفسيا كويس علشان حيكون اليوم مضغوط اوي و طويل و ربنا يوفقكم قبل اي حاجه :

مراحل اليوم التقييم او السكرين داي ” ازاي حيمشي اليوم من اوله لاخره ” :

1) محاضره تعريفيه عن دبي و طيران الامارات Briefing Session :

راندا او اللي معاها حيقدمو شرح و معلومات عن دبي اللي انت حتعيش فيها و طيران الامارات زي مثلا شروط التعاقد ” فاكرين في اليوم الاول الورقه اللي فيها شروط ” و بعد كدا حيسمعو الناس و يخليهم يشاركو لو عندهم اسئله و كدا و لو انت عندك معلومات حلوه عن دبي و الاميريتس ممكن تقولها بس لازم تكون واثق من مصدر معلوماتك.خلي بالك ان المحاضره دي اللي بنسميها السكرين دي مهمه اوي في مرحله الفينال انترفيو علشان ممكن تتسأل فيها تاني علشان كدا جيب معاك Note و اكتب فيها المعلومات دي علشان لما تروح واذا نجحت و عديت تروح تذاكرها و تحفظها بس للاحتياط ” الاحتياط واجب ”

2) مرحله المجموعه النقاش 1 Circle Discussion و قياس الطول Reach Arm :

انتو في المرحله دي حتتقسمو لمجموعات و حيكون عندك كدا حوالي ساعه تتناقشو في الموضوع اللي راندا او اللي معاها حتقول عليه ” ممكن يكون في اي حاجه يعني مثلا اقدم صحبك او صحبتك للجروب ” و حتكونو في شكل دايره Circle و بعد كدا كل واحد في الجروب حيعمل مع اللي جنبو او اللي راندا تختارو انترفيو واحد في مقابل واحد تتكلمو مع بعض عن كل حاجه مثلا زي الهوايات الشخصيه و كدا بعد كدا راندا او اللي معاها حتسالكم شويه اسئله يعني مثلا زي ايه اللي عجبك في اللي انت عملت الانترفيو معاه و ايه رايك فيه و كدا. بعد كدا تيجي مرحله قياس الطول Reach Arm اللي لازم دراعك يقدر يوصل ل 212 سنتيمتر علشان في طيارات ال Locker بتاعها بعيد شويه علشان بياخدو تقييم عن طولك في التست دا و اللي مش حيقدر يوصل للطول دا مش حيكمل خالص.بعد كدا راندا او اللي معاها حتعلن النتجه الناس اللي نجحو و عدت المرحله دي اما بالنسبه للناس اللي منجحتش فتروح على طول.

*ملحوظه : في المرحله دي مش شرط اوي انك تتكلم انجليش مضبوط اوي بس اتكلم بطريقه اللي تقدر تعبر فيها عن نفسك و خلي بالك و انت بتتكلم مع الناس هما بصين عليك و بيكتبو ملاحظات عليك زي طريقه كلامك و الابتسامه و Body Language و لازم تكون Friendly مع الجروب اللي حواليك و اتكلم براحه و بطريقه مفهومه و متكنش مبالغ فيه و عايش الدور يعني الاعتدال يا جماعه .

3) الامتحان الانجليش English Test :

في المرحله دي هما حيدولك 45 دقيقه بالكتير علشان تخلص الامتحان اللي هو عباره ان اسئله اختيار متعدد” Multi Choices Questions ” MCQ اللي ممكن تكون في القواعد Grammars و كلمات Vocab و مقال Essay في الموضوع اللي هما حيقولو عليه بعد كدا خلال 30 دقيقه حيصلحو الامتحان و يعلنو عن النتيجه و اللي نجح في المرحله دي حيعدي للمرحله اللي بعدها و اللي منجحش حيروح على طول.

*ملحوظه : اسئله الاختيار المتعدد MCQ’s اهم بكتير من المقال فحاول تخلصها في اسرع وقت علشان تقدر تاخد وقتك في كتابه المقال Essay و كمان انهم اساسا بيعتمدو في النتيجه على الاسئله الاختيار المتعدد علشان الوقت لان في حاله قرايه كل المقالات حياخدو وقت كتير بس كدا و لا كدا هما حيشوفوه حيشوفوه و لازم تعرف ان لو اللي انت كتبتو عجبهم ممكن تتسأل فيه في الفينال علشان كدا حط دا في بالك ” الاحتياط واجب ” .

4) مرحله مجموعه النقاش 2 Circle Discussion ” دراسه حاله Case Study ” :

وصلنا بقى للمرحله الاخيره و اللي بيسموها ” مرحله دراسه حاله ” و المرحله دي من اصعب المراحل لانها بتعتمد على خيالك و افكارك الابتكاريه في معالجه و حل المشاكل و المواقف.اللي نجح في المراحل اللي فاتت حيتقسم لمجموعتين و كل مجموعه حتاخد حاله او موقف تتكلم فيه زي مثلا مواقف حياتيه و ازاي حتتصرف فيها او لو انت مضيف جوي و حصل معاك موقف معين حتتعامل معاه ازاي و طريقه تصرفك ” مش عايزين هما افلام هندي و مبالغه في التعبير عن الموقف ” .في المرحله دي اوعى تعمل فيها الواد الفهلاوي اللي واكل الجو او اللي عامل نفسه مش فاهم حاجه او زي الاطرش في الزفه لان في المرحله دي الكل بيشتغل مع بعض و بيتعاون مع بعض لان دي من اساسيات مهنه الضيافه الجويه يعني لما يجي الدور عليك انك تتكلم اتكلم و لما يجي الدور على غيرك في الكلام اسمع و خليك مركز مع كل واحد بيتكلم علشان ممكن تتسأل في اللي هما بيقولوه .خليك واثق في نفسك و صادق مع نفسك و قبل كل دا متنساش توفيق ربنا .لو انت في الجروب اللي خلص الكلام حتستنى الجروب التاني عقبال مايخلص و بعد كدا راندا او اللي معاها حيعلنو عن نتيجه الناس اللي حتروح الفينال و الناس اللي منجحتش حتروح .الناس اللي نجحت حيطلبو منكم شويه ورق تجيبوه معاكم في الفينال و كمان حتعملو حاجه زي امتحان نفسي psychology test اونلاين حيبعتوه على الايميل بتاعك و تعملوه في البيت.

*ملحوظه : الامتحان النفسي ” Psychometric Test ” عباره عن امتحان انت بتعملو في البيت لما تنجح في السكرين داي و هما بيبعتولك اللينك بتاعو على الايميل بتاعك و هو عباره عن 180 سؤال حتخلصو في 45 دقيقه بس .

ارجو ان نكون قد وضحنا كافة المعلومات والبيانات بخصوص اسئلة مقابلة طيران الامارات، ولكن في حالة كان لديكم تعليق او اقتراح بخصوص المعلومات المذكورة بالأعلى يمكنكم اضافة تعليق وسوف نسعى جاهدين للرد عليكم.