كلمات اغنية الجدي لهيثم زمراوي؟
كلمات اغنية الجدي لهيثم زمراوي، هو ما نسعى الى التكلم عنه اليوم بشكل مختلف وعميق من اجل الوصول إلى أكثر استفادة لزوار موقعنا الكرام.
كلمات اغنية الجدي لهيثم زمراوي:
الجدي يا ناس الجدي
اه انا المظلوم يا حـــسن
من فراق الظبي التــمن
الغرام والريد انــتهـــن
والقليب بي نظره اترهن
فاقدو لي المحبوب يا كمال
ريدي ليهو حقيق مو محال
ما بتفيد شكواي والدلال
ما خلاص قفلوهو المجال
عاليه في البنوت والفريق
داير اموت بالاذي والحريق
داسي ريدو انا يا الرفيق
هل يحن الظبي الانيق!
العيون بالنوح سقـــدن
من فراقن ديل وقـــدن
للفواد يا ناس عــزبن
لا متين يا رب يسعدن
لي سنين وشهور منتظر
قلبي فاقدو دوام محتضر
الطريق كان بيو مزدهر
الا حالو الان حال كجـر
حالي من بعدو حال السواد
حالي ذي تايه فاقد الجواد
ما بتفيد شكواي والحداد
ما خلاص جابوها المواد
دمعي نازل قط ما وقف
فاقدو جدي النال الولف
كيف انوم والنوم اختلف
والقليب يا ناس اتلف
رايدو يا الاخوان بالسنين
باكي ديمه وذايد الانين
الدمع مبهول والحنــين
ماخلاص مكتوب اليقين
يا بلوله وين من حنــــها
السمحيه حفيف دمـــها
كل مناي اعيش جنبهـا
الا مابي يحــن عمـــها
وينـــو حالي الزوق اب وجـــن
وين فرع البان الــــرطـــــن
ما بيفيد الكـــي والحقــــن
من زمان ممكون يا الحســن
&&&&&&
الجدي الضارب الجـــــبال
حالي حال مطعون في النزال
عالي زوقو وسمح الخصال
يا بلوله متين الـــــمنال
***&&&**
وينو سيد الريد يا سعيــد
مالو نافر مني وبعيــــد
مالي شن سويت يا الهويد
يا بلال ودوني الــــمسيد
&&&&*&&&
ريدي ليك فصيح مو عجم
ريدي باين ياخ مو عـــتم
قلبي ظاهر الريد ما كتــم
وبي هواك يا ليلي التــزم
&&&&***&
فاقدو لي المحبوب لي سنين
راجي حن الظبي الرزيـــن
لا متـــين الحزن الدفـــين
يا محمد جيب البنسلين
&&&&**&&&
ارجو ان نكون قد وضحنا كافة المعلومات والبيانات بخصوص كلمات اغنية الجدي لهيثم زمراوي، ولكن في حالة كان لديكم تعليق او اقتراح بخصوص المعلومات المذكورة بالأعلى يمكنكم اضافة تعليق وسوف نسعى جاهدين للرد عليكم.
