الفرق بين رنج روفر سبورت والفوج؟

هذه مقارنة تم ذكرها من قبل الاعضاء نرجو ان تفيدك باذن الله

 الرنج نوعين 1- فوج 2- سبورت والسبورت شي نوعين 1- سبورت hse 2- سبورت سوبر شرش.
السبورت hse و السبورت سوبرشرش اثنينهم نفس الشكل ونفس الحجم ونفس الاوبشن ونفس المواصفات ومافي اي فرق بينهم الا في المحرك فقط.( المكينه )
يعني مكينة سبورت hse غير ومكينة سبورت سوبر شرش غير.

*رنج اسبورت سوبر شرش/ مكينه اكبر طبعا وصرفية بترول اكثر من مكينة hse قوتها 4400 وفي 4800 وفي 500 وفيها توصيلات كهربائيه اكثر لان فيها قطعة السوبر شرش وهي عباره عن قطعه تركب في المكينه و تضخ الهوى وتزيد من قوة وعزم المكينه وتحمل المكينه احيانن فوق طاقتها وتعطيك باور زياده والسوبر شر تقريبا نفس التوربو.. وطبعا هذي القطعه صيانتها غاليه جدا واغلب مشاكل المكينه في هذي القطعه واكثر اسباب اعطال الرنج بسبب هذي القطعه..

*رنج سبورت hse/ المكينه حجمها اشوي اصغر وصرفيه بترول اقل قوتها 4400 ومافيها قطع كهربائيه وتعقيدات مثل السوبرشرش وهي مكينه عاديه حالها من حال اي مكينه مثل لند كروزر او اي سياره اخرى 8 سلندر.. وصيانتها في اي مكان طبعا ومشاكلها اقل بكثير عن السوبر شرش.

اما بنسبه لقطع غيار الرنج فهو متوفر بكثره وبرخص في دولة الامارات.

اما بنسبه للزوايد ف يركب على الاثنين..